Den korte tribunal di famia, mayoria bia huesnan ta wak derechi di e yu. Si bo presentá bo kaso representando e derchi i bienestar di e yu bo ta riba e bon kaminda.
–> Abogado R.M.L. Conquet.
Lei di Paternidat – Kiko ta nifiká paternidat?
Paternidat ta e relashon entre un tata i su yu.
Na momento ku un yu nanse, bo mester rekonosé bo yu na Kranshi, pa bo ta
hurídikamente tata di e yu.
Si bo no rekonosé e yu na Kranshi, lo no tin un relashon hurídiko entre tata i yu.
Rekonos un yu por nifiká ku bo por rekonosé un yu, maske bo no ta e tata biológiko di e yu.
Kiko ta sosodé na momento ku un mama no ke duna e tata pèrmit pa rekonosé e yu?
Pa bo haña pèrmit di e hues pa rekonosé bo yu, bo tin ku demostrá ku di bèrdat abo ta e tata di e yu dor di hasi un prueba di DNA.
Rekonosé un yu no ta nifiká ku bo tin outoridat komparíi mes ora huntu ku mama di e yu pa disidi kiko por i no por pasa ku e yu. E mama outomatikamenta tin 100% outoridat riba e yu.
Si bo ke haña outoridat kompartí bo mester bai Hues i pidi esaki.
Kustodia
Den e Lei di paternidat – Ki derechi bo tin komo tata ora bo no tin kustodiá di e yu?
- Derechi di ta ku bo yu.
- Derechi di pidi hues kustodia di bo yu.
- Derechi di ta inkluí den desishonnan
importante tokante bo yu. - E mama ku tin kustodiá di bo yu no por
nenga abo komo tata kontakto ku bo
yu, maske ku bo no tin kustodiá.
Pasonan pa bo haña kustodiá:
1. Bai Kranshi duna e yu bo fam ( ta konsehabel pa abo ku mama di e yu a papia di esaki delantá).
2. Bai grifir ( na kantor di atministrashon na hòf) pa pidi e papel ku ta duna bo outoridat kompartí
3.Hasi pago nesesario i bo ta kla.
Den e Lei di paternidat – Bo deber komo tata:
- Deber pa kumpli ku alimentashon di bo yu
- Deber di tin kontakto ku bo yu
- Deber di sòru pa mantenshon i edukashon di bo yu
- Rèspèt pa famia parti di e mama
- Deber di garantisá libertat i seguridat di e yu
- Deber di garantia ku e yu por duna su opinion
Bo ròl den bo yu su bida…
Ki benefisio un yu tin ora su tata ta hunga un ròl positivo den su bida?
- E yu ta lanta ku un bon imágen di su tata i su mes.
- E yu ta krese den un ambiente salu i positivo.
- Pa e yu hòmber e tata ta un spil (un role-model).
- E yu ta sinti un balansa entre mama i tata.
- E yu ta sinti ku e tin un refugio sigur.
- Pa e yu muhé e tata ta duna seguridat den su futuro.
- E lo haña amor i atenshon di ámbos banda.
- Ta pasa e tempu liber ku e yu (tempu kualitativo).
Kiko ta e kosnan ku por a bai robes den un mayor su bida i ku por tin influensia despues riba e yu?
- Kontakto negativo ku hustisia
- Por ehèmpel: atrako, asesinato, asosiashon ku droga i mas…
- Salu mental
- Por ehèmpel: depereshon, sikopata, pedofil, i mas
- Mal kustumber
- Divorsio/ separashon
Pone e bienestar di bo yu na promé lugá…
Divorsio ta entre mama i tata, no e yu
Na momento di separashon entre tata i mama no tin mester di bringamentu pa e yu. Si boso ta kasa na prinsipio ámbos mayor tin kustodiá, na momento di separashon esaki ta keda asina. Boso tur dos ta keda responsabel pa e yu.
Konsekuensia pa e yu despues di separashon?
- E yu por sinti un ambiente intrankil.
- Tristesa, rabia, soledat i sintimentunan di kulpa.
- Posiblemente mester muda: otro kas, otro kaminda, otro skol.
- Sintimentu di falta di e otro mayor.
- Sintimentunan di insiguridat pa futuro.
Pa evitá lo mas tantu di e konsekuensianan aki…
Na momento di separashon, mester tene kuenta ku tin un yu mei mei.
Boso problema ta di boso i no di e yu, pues no hinka e yu aden òf laga e situashon afektá e.
Esaki ta nifiká ku mester tin un komunikashon sano entre tata i mama.
Nesesidat di e yu despues di separashon…
- Hopi atenshon, sosten i splikashon di ámbos mayor
- Duna e yu libertat pa ekspresá su mes
- Laga e yu sinti ku boso stime
- Laga e yu skucha ku e no tin kulpa den e situashon aki
- Sòru huntu pa kuido i mantenshon di e yu despues