E grupo di sosten tei pa bo kompartí eksperensianan di bida i siña di otro pa, sosialisá, pa yuda otro i alabes Mpower otro. Tambe e grupo aki tei pa bo akudí na dje ora bo tin:
- Preokupashon
- Strès
- Problema ku bo kasá
- Problema ku mama di bo yu(nan)
- Problema na trabou
- Problema familiar
- Diferente otro tipo di retonan den bo bida
Union ta hasi forsa
Kiko e Grupo di Sosten por nifiká pabo?
- Un ambiente diferente
- Skucha diferente hòmber su historia i eksperensia i siña afó
- Un kaminda ku bo por kompartí bo dolónan
- Un kaminda ku bo por tei sin tin ku wòri pa ekspresá bo mes
- Un kaminda ku tur hende ta igual i no ta wòrdu huzgá
- Un kaminda ku bo por sinti bo sigur i trankil
- Un kaminda pa konosé hende nobo
Seshonan di grupo di sosten adulto
E seshonan ta:
- 1 bes pa luna riba djasabra
- Di 9:30 AM pa 12:30 PM
- Lokashon lo wòrdu menshoná despues ku bo registrá
- *Na momentu ku bo registrá, bai na bo mail i konfirmá bo registrashon
- Partisipashon ta grátis
Despues ku bo bo e regitsrá i konfirma via bo mail. Via di nos grupo di Whatsapp lo bo risibí e fecha pa e luna ei i e luga kaminda nos lo reuni.
Bo privasidat ta importante pa nos
Pesei kada partisipante i miembro mester firma un akuerdo di privasidat.
Esaki ta yuda abo mes ku:
- Pas mental, tur loke bo papia ta keda den e seshon
- Siguridat i protekshon
- Krea un ambiente ku bo por ta bo mes, sin tin ku preokupá ku hende lo hasi bofon di bo.