Historia
Hòmber kiko e palabra aki ta nifiká pa abo?
Den nos komunidat i historia, hòmber tin un mal reputashon. Bo ta haña ta hustu pa tur hòmber wòrdu húsga a base di e repútashon aki?
E por ta bo tawela, bo tata, bo tio, bo ruman, bo pareha i asta bo yu. Pa generashonan hòmber su ròl tabata pa proveé finansieramente. Riba ária sosial, émoshonal no tabatin asina tantu enfóke.
Kiko MpowerMEN ta para pe?
Nos ta para pa rèspèt, amor, konfiansa, balor i pas, pa nos hòmber nan sea hóben òf mayor di edat.
Mas i mas hende hòmber a i ta mas konsiente riba e importansia di nan ròl i ke kambia e reputashon negativo.
MpowerMEN inspirá i inisiá dor di un dama, Gwendeline Leuteria, a kuminsá komo un movementu i a evolushoná den un fundashon kaminda huntu ku hende hòmber trabounan ta wordu kristalisá.
E mihó vershon di un hòmber ta benefisiá nos tur i p’esei hòmber i muhé mester por traha huntu pa logra esaki.
Nos ta kere den e mihó vershon di un hòmber
Nos ta kere ku un hòmber tin derechi i tin derechi pe sa su derechi.
Nos ta kere ku un hòmber ta esensial pa su famia.
Nos ta kere ku un hòmber tin emoshon i por sintié i komuniká esaki.
Nos ta kere ku un hòmber por manehá su sèn.
Nos ta kere ku hòmber por tuma inisiativa.
Nos ta kere ku hòmber por dirigí su bida.
Nos ta kere ku un hòmber por faya i por haña un sigiuente oportunidat.
Nos ta kere ku un hòmber por pidi i haña asistensia sin problema.
MpowerMEN tei pa hasi informashon i edúkashon aksesibel
Dor di organisá eventonan i tayernan manera:
- Dia Internashonal di hende hòmber
- Boys Summer Camp pa hóben di 13 pa 17 aña
- Boys Club pa hóben di 13 pa 17 aña
- Tayer di “Kon pa tin un mente ganado?”
- Tayer di “Kiko ta bo identidat?”
- Tayer di “Kon maneha bo sèn?”
- Tayer di “Ki derechi un hòmber tin?”
- Tayer di “Kon pa ta un bon lider?”
- Tayer di “hòmber i su mama!”
- Akseso na Coaching individual